Өскеменде Байжігіт атындағы Қазақ халық аспаптар оркестрінің концерті өтті

Бүгін Өскемен қаласындағы «АДК» сауда-ойын-сауық орталығында Наурызнама онкүндігі аясында Байжігіт атындағы қазақ халық аспаптар оркестрінің концерті өтті.

Музыкалық шара мерекелік бағдарламаның жарқын көркіне айналып, қала тұрғындары мен қонақтарына ұлттық нақыш пен көктемгі көңіл күй сыйлады. Оркестр орындауында қазақ классикасының туындылары мен халық күйлері шырқалып, сауда орталығының кеңістігі дәстүрлі музыканың жанды әуенімен көмкерілді.