Тоқаев ҰҚШҰ-ның мерейтойлық саммитіне қатысу үшін Мәскеуге барды

Президент Қасым-Жомарт Тоқаев Ұжымдық қауіпсіздік шартына қол қойылғанына 30 жыл және Ұйымның құрылғанына 20 жыл толуына орай өтетін ҰҚШҰ-ның мерейтойлық саммитіне қатысу үшін Мәскеуге барды.

Ұйымның іс-шарасы 16 мамыр күні Кремльде өтеді.

Президенттің баспасөз қызметінің хабарлауынша, Тоқаев Мәскеуге Ресей президенті Владимир Путин мен ҰҚШҰ Ұжымдық қауіпсіздік кеңесінің төрағасы, Армения премьер-министрі Никол Пашинян шақырған.

Тоқаев Мәскеуге Біріккен Араб Әмірліктерінен барды, онда ол жаңа мемлекет басшысы шейх Мұхаммед бен Заид Әл Нахаянмен жеке кездесіп, оған БАӘ-нің бұрынғы басшысы шейх Халифа бен Заид Әл Нахаянның қайтыс болуына байланысты көңіл айтты. Сонымен қатар қызметіне кірісуімен құттықтап, Қазақстанға сапармен келуге шақырды.