ШҚО-да Үбі арқылы өтетін көпірді жөндеу үшін ЖСҚ әзірлеуге қаражат бөлінді

Шемонаихадағы Үбі өзенінің көпірі 1962 жылы салынған. Соңғы рет ол 2009 жылы жөнделді, қазір нысан апатты жағдайда: түрлі ақаулар мен жарықшақтар, тіректерде жарықтар бар.

Қауіпсіздік мақсатында өткелде реверсивті қозғалыс ұйымдастырылды (тура және кері бағытта қозғалысты кезектестіру) және көліктің жалпы салмағына 23 тоннадан аспайтын шектеу енгізілді. Алайда бұл шешім уақытша және көпір жөндеуді қажет етеді.

Шығыс Қазақстан облысының жолаушылар көлігі және автомобиль жолдары басқармасынан хабарлағандай, жобалық-сметалық құжаттаманы әзірлеуге қазірдің өзінде 194 млн теңге бөлінген. Байқауға үш жобалау ұйымы қатысты, нәтижесі жақын арада белгілі болады.

Елизавета Седых